ओटवणे /प्रतिनिधी-
माजी केंद्रीय मंत्री तथा खासदार सुरेश प्रभू यांच्या पुढाकारातून माजगाव हायस्कूल मधील १० मुलींना सायकलचे वितरण करण्यात आले. गोवा विमानतळ प्राधिकरण यांच्या सीएसआर निधीतून या सायकलींचे वितरण करण्यात आले.
मानव साधन विकास संस्था संचलित परिवर्तन केंद्र यांच्या संकल्पनेतून आणि गोवा विमानतळ प्राधिकरण यांच्या सीएसआर निधीतून सायकल बँक अंतर्गत जन शिक्षण संस्थानच्या माध्यमातून जिल्ह्यात सायकल वितरण करण्यात येत आहे. याच योजनेतून माजगावातील मुलींना सायकलचे वितरण करण्यात आले. संपूर्ण जिल्ह्यात एक हजार सायकलचे वितरण करण्यात आले आहे.
यावेळी नगरसेवक आनंद नेवगी, नगरसेविका दिपाली भालेकर, चराठा ग्रामपंचायत सदस्य अमित परब, माजगावचे अजय सावंत, परिणीता वर्तक, दिलीप भालेकर, दादू कविटकर आदी उपस्थित होते.
