अक्कलकोट / प्रतिनिधी
अक्कलकोट तालुक्यातील एका गावात 35 वर्षीय महिलेवर मनाला लज्जा वाटेल असे गैरवर्तन कृत्य केल्याप्रकरणी एकावर अक्कलकोट दक्षिण पोलीस ठाण्यात विनयभंगाचा गुन्हा दाखल करण्यात आला आहे. ही घटना दि २९ रोजी सकाळी घडली.
याबाबत पोलिस सूत्रांकडून मिळालेली माहिती अशी की तालुक्यातील एका गावात ३५ वर्षीय महिलेला घर काम करत असताना संशयीत दिनेश बाबू बनसोडे याने महिलेस लज्जास्पद वाटेल अशी वर्तणूक केली. या घटनेची तक्रार फिर्यादीने अक्कलकोट दक्षिण पोलीस ठाण्यात विनयभंगाची तक्रार दाखल केली आहे. पुढील तपास पोलीस करत आहेत.
