ओटवणे / प्रतिनिधी –
मानवाधिकार न्याय ट्रस्ट अंतर्गत येणाऱ्या महिला सुरक्षा फाउंडेशन ऑफ इंडियाच्या राष्ट्रीय प्रभारीपदी शिवसेना सावंतवाडी तालुका महिला संघटक तथा हिंद भारतीय जनरल कामगार संघटनेच्या चिटणीस सौ. अपर्णा कोठावळे यांची नियुक्ती करण्यात आली आहे. याबाबतचे नियुक्ती पत्र त्यांना मानवाधिकार न्याय सुरक्षा ट्रस्टचे संस्थापक राष्ट्रीय अध्यक्ष किशन गोयल आणि महिला सेलच्या राष्ट्रीय अध्यक्ष रुमा पाठक ( दिल्ली, सुप्रीम कोर्ट वकील) यांनी दिले आहे.
सावंतवाडी तालुक्यात तसेच जिल्ह्यातील अन्यायग्रस्त महिलांना न्याय मिळवून देण्यासह कोरोना काळात आशाताईसाठी केलेले कार्य तसेच महिलांच्या अडीअडचणी सोडवण्यासाठी स्वतः पुढाकार घेऊन केलेल्या निस्वार्थी सामाजिक कार्याची दखल घेऊन त्यांची या पदावर नियुक्ती करण्यात आली आहे. या नियुक्तीमुळे त्यांना महिलांचे प्रश्न सोडवण्यास आणखी बळ मिळणार आहे. त्याच्या या महत्त्वाच्या पदावरील निवडीमुळे त्यांचे सर्व स्तरातून विशेषतः महिला वर्गातून अभिनंदन केले जात आहे.
