प्रतिनिधी /येळ्ळूर
महाराष्ट्र हायस्कूलची विद्यार्थिनी प्रांजल परशराम तुळजाई हिची नुकतीच धारवाड येथे झालेल्या राज्य कुस्ती चाचणीत निवड झाली आहे. 15 वर्षांखालील खुल्या राष्ट्रीय मानांकन स्पर्धेसाठी ही चाचणी पार पडली. चाचणीनंतर तिची राष्ट्रीय कुस्ती स्पर्धेसाठी निवड झाली आहे. भारतीय कुस्ती फेरडेशनतर्फे ही चाचणी घेण्यात आली.
पाटणामध्ये होणाऱया राष्ट्रीय कुस्ती स्पर्धेत प्रांजल 52 किलो वजनी गटात खेळणार आहे. तिला बेळगाव जिल्हा युवजन आणि क्रीडा खात्याचे कुस्ती प्रशिक्षक हणमंत पाटील आणि नागराज यांचे मार्गदर्शन मिळाले आहे. समाज शिक्षण संस्था संचलित महाराष्ट्र हायस्कूलचे मुख्याध्यापक बी. पी. कानशिडे व शिक्षक आणि शिक्षकेत्तर कर्मचारी यांचे प्रोत्साहन तिला मिळाले आहे.
