ऑनलाईन टीम / मुंबई :
महाराष्ट्रात मागील 24 तासात 55 पोलिसांना कोरोनाची लागण झाली. तर 2 जणांचा मृत्यू झाला. तर आतापर्यंत 25 हजार 134 पोलिसांना कोरोनाची बाधा झाली आहे. तर आतापर्यंत 264 पोलिसांनी आपला जीव गमावला आहे. त्यामुळे पोलिसांमध्ये सध्या भीतीचे वातावरण निर्माण झाले आहे.
मिळालेल्या माहितीनुसार, आतापर्यंत आढळलेल्या 25,134 कोरोनाबाधित पोलिसांमध्ये 2749 पोलीस अधिकारी आणि 22,385 कर्मचाऱ्यांचा समावेश आहे. तर आतापर्यंत 22 हजार 742 पोलीस कर्मचाऱ्यांनी कोरोनावर यशस्वीरित्या मात केली असून त्यांना घरी सोडण्यात आले आहे. यामध्ये 2472 पोलीस अधिकारी आणि 20,270 पोलीस कर्मचाऱ्यांचा समावेश आहे.
सद्यस्थितीत राज्यात 2130 कोरोनाबाधित पोलीस कर्मचाऱ्यांवर विविध रुग्णालयात उपचार सुरु आहेत. यामध्ये 252 पोलीस अधिकारी आणि 1878 पोलीस कर्मचाऱ्यांचा समावेश आहे. तर आतापर्यंत कोरोनामुळे 262 जणांचा मृत्यू झाला आहे. यामध्ये 25 पोलीस ऑफिसर आणि 237 पोलीस कर्मचाऱ्यांचा समावेश आहे.
