- रुग्ण बरे होण्याचे प्रमाण 93.42 %
ऑनलाईन टीम / मुंबई :
महाराष्ट्रात मागील 24 तासात 6,365 रुग्ण कोरोनामुक्त झाले आहेत. राज्यात आतापर्यंत 17 लाख 37 हजार 080 रुग्ण कोरोनामुक्त झाले असून, त्यांना डिस्चार्ज देण्यात आला आहे. राज्यातील कोरोना रुग्ण बरे होण्याचे प्रमाण सध्या 93.42 % आहे.
दरम्यान, मागील 24 तासात राज्यात 4,026 नवे कोरोनाबाधित रुग्ण आढळले. त्यामुळे राज्यातील एकूण कोरोनाबाधितांची संख्या 18 लाख 59 हजार 367 वर पोहचली आहे. सध्या 73 हजार 374 रुग्ण उपचार घेत आहेत. काल दिवसभरात 53 कोरोनाबाधितांचा मृत्यू झाला. तर मृतांचा एकूण आकडा 47 हजार 827 एवढा आहे. सध्या राज्यातील मृत्यू दर 2.57 % आहे.
प्रयोगशाळेत आतापर्यंत तपासणीसाठी पाठविण्यात आलेल्या 1 कोटी 13 लाख 77 हजार 074 नमुन्यांपैकी 18 लाख 59 हजार 367 रुग्णांचे रिपोर्ट पॉझिटिव्ह आले आहेत. सध्या राज्यात 5 लाख 48 हजार 961 लोक होम क्वारंटाईनमध्ये असून, 5 हजार 617 लोक संस्थात्मक क्वारंटाईनमध्ये आहेत.
