ऑनलाईन टीम / मुंबई :
महाराष्ट्रात मागील 24 तासात 118 पोलिसांना कोरोनाची लागण झाली आहे. तर 2 जणांचा मृत्यू झाला आहे. तर आतापर्यंत 25 हजार 527 पोलिसांना कोरोनाची बाधा झाली आहे. त्यामुळे पोलिसांमध्ये सध्या भीतीचे वातावरण निर्माण झाले आहे.
मिळालेल्या माहितीनुसार, आतापर्यंत आढळलेल्या एकूण 25,527 कोरोनाबाधित पोलिसांपैकी आतापर्यंत 23 हजार 300 पोलीस कर्मचाऱ्यांनी कोरोनावर यशस्वीरित्या मात केली असून त्यांना घरी सोडण्यात आले आहे.
- 1,960 पोलिसांवर उपचार सुरू
सद्यस्थितीत राज्यात 1960 कोरोनाबाधित पोलीस कर्मचाऱ्यांवर विविध रुग्णालयात उपचार सुरु आहेत. तर आतापर्यंत 267 पोलिसांनी आपला जीव गमावला आहे.
