ऑनलाईन टीम / मुंबई :
महाराष्ट्रात मागील 24 तासात राज्यात 4 हजार 145 नवीन कोरोनाबाधित आढळले असून 5 हजार 811 रुग्णांना डिस्चार्ज देण्यात आला आहे. तर कालच्या दिवशी 100 रूग्णांचा मृत्यू झाला आहे.
- रुग्ण बरे होण्याचे प्रमाण 96.86 %
राज्यात आजपर्यंत एकूण 61 लाख 95 हजार 744 कोरोनाबाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण 96.86 टक्के इतके झाले आहे. सध्या राज्यातील मृत्यूदर 2.11 टक्के एवढा आहे.
- 62 हजार पेक्षा अधिक सक्रिय रुग्ण
दरम्यान, आजपर्यंत तपासण्यात आलेल्या 5,11,11,895 प्रयोगशाळा नमुन्यांपैकी 63,96,805 नमुने पॉझिटिव्ह आले आहेत. सध्या राज्यात 3,53,129 व्यक्ती होमक्वारंटाईनमध्ये आहेत तर 2,530 व्यक्ती संस्थात्मक क्वारंटाईनमध्ये आहेत. राज्यात सद्य स्थितीत 62 हजार 452 ॲक्टिव्ह रुग्ण आहेत.
