ऑनलाईन टीम / मुंबई :
महाराष्ट्रात गेल्या 24 तासात 138 पोलिसांना कोरोनाची लागण झाली तर तीन जणांनी आपला जीव गमावला आहे. तर आतापर्यंत 8722 पोलिसांना कोरोनाची बाधा झाली आहे. तर आतापर्यंत 97 पोलिसांनी आपला जीव गमावला आहे.
कोरोनाच्या पार्श्वभूमीवर लागू करण्यात आलेल्या लॉकडाऊनचे नागरिकांकडून काटेकोरपणे पालन व्हावे, यासाठी राज्यभरात ठिकठिकाणी पोलीस तैनात आहेत. मात्र, कर्तव्यावर असलेल्या पोलीस अधिकारी आणि कर्मचाऱ्यांना कोरोनाचा धोका वाढत आहे. त्यामुळे पोलिसांमध्ये सध्या भीतीचे वातावरण निर्माण झाले आहे.
मिळालेल्या माहितीनुसार, आतापर्यंत आढळलेल्या 8722 पोलिसांमध्ये 800 पेक्षा अधिक पोलीस अधिकारी आणि 7300 पेक्षा अधिक कर्मचाऱ्यांचा समावेश आहे. सद्यस्थितीत राज्यात 1 हजार 955 कोरोनाबाधित पोलीस कर्मचाऱ्यांवर विविध रुग्णालयात उपचार सुरु आहेत. तर आतापर्यंत 6 हजार 670 पोलीस कर्मचाऱ्यांनी कोरोनावर यशस्वीरित्या मात केली असून त्यांना घरी सोडण्यात आले आहे.
