ऑनलाईन टीम / मुंबई :
महाराष्ट्रात आज दिवसभरात 13,348 रुग्ण कोरोनामुक्त झाले आहेत. राज्यात आतापर्यंत 3 लाख 51 हजार 710 रुग्ण कोरोनामुक्त झाले असून, त्यांना डिस्चार्ज देण्यात आला आहे. राज्यातील कोरोना रुग्ण बरे होण्याचे प्रमाण सध्या 68.25 % आहे.
आज राज्यात 12 हजार 248 नवे कोरोनाबाधित रुग्ण आढळले. त्यामुळे राज्यातील एकूण कोरोनाबाधितांची संख्या 5 लाख 15 हजार 332 वर पोहचली आहे. सध्या 1 लाख 45 हजार 558 रुग्ण उपचार घेत आहेत. रविवारी दिवसभरात 390 कोरोनाबाधितांचा मृत्यू झाला. तर मृतांचा एकूण आकडा 17 हजार 757 एवढा आहे. सध्या राज्यातील मृत्यू दर 3.45 % आहे.
प्रयोगशाळेत आतापर्यंत तपासणीसाठी पाठविण्यात आलेल्या 27 लाख 25 हजार 090 नमुन्यांपैकी 5 लाख 15 हजार 332 रुग्णांचे रिपोर्ट पॉझिटिव्ह आले आहेत. सध्या राज्यात 10 लाख 588 लोक होम क्वारंटाईनमध्ये असून, 34 हजार 857 लोक संस्थात्मक क्वारंटाईनमध्ये आहेत.
