ऑनलाईन टीम / मुंबई :
देशात कोरोनाचा प्रादुर्भाव दिवसेंदिवस वाढतच चालला आहे. अशा ही परिस्थिती पोलीस कर्मचारी आपल्या जीवाची पर्वा न करता आपले कार्य चोख पणे बजावत आहेत. पण आता पोलीसच कोरोनाच्या विळख्यात सापडले आहेत.
मिळालेल्या माहितीनुसार, मंगळवारी पुन्हा 80 पोलीस कर्मचाऱ्यांना कोरोनाची बाधा झाली आहे. त्यामुळे आता पर्यंत एकूण 1889 पोलीस कर्मचाऱ्यांना कोरोनाची लागण झाली आहे.
आज 80 रुग्णांना, सोमवारी 51, रविवारी 87 पोलिसांना कोरोनाची लागण झाली. तर आता पर्यंत एकूण 207 पोलीस अधिकारी आणि 1682 कर्मचाऱ्यांना कोरोनाने ग्रासले आहे. तर आता पर्यंत 838 पोलीस कर्मचाऱ्यांची प्रकृती सुधारली असून त्यांना घरी सोडण्यात आले आहे. तर 20 पोलीस कर्मचाऱ्यांचा कोरोनामुळे मृत्यू झाला आहे.
