प्रतिनिधी / सातारा
महाबळेश्वर सातारा रस्त्यावर आंबेघर गावच्या हद्दीत आज दुपारी वेण्णा नदीवरील ( रामजी बुवा पुल ) पुलावरून मोटार नदीमध्ये कोसळून एक ठार चार गंभीर जण जखमी झाले.
आज दुपारी बाराच्या सुमारास मोटार क्रमांक ( एमएच २० सीएस ९७८७ ) महाबळेळश्वरहुन साताराकडे जात होती. चालकाचे गाडीवरील नियंत्रण सुटल्याने आंबेघर ( ता जावली )येथील वेण्णा नदीवरील पुलावरून वेण्णा नदी पात्रात कोसळल्यामुळे चालक जागीच ठार झाला. या गाडीत एकूण पाच जण होते.
अमित जोशी वय४२ वर्ष हे ठार झाले. तर समरजीत बशरे (वय१७ ) संकेत पाटिल ( १६ ) यशराज पाटिल (१८) आयुष शेडगे (१७ ) हे जखमी झाले. सर्व रहाणार औरंगाबाद येथील आहेत. हे सर्व जण महाबळेश्वरला फिरायला आले होते व आज सातारा मार्गे गावी निघाले असता वाटेत हा प्रकार घडला. गाडी चालक अमित जोशी याने गाडीतून उडी मारल्यामुळे गाडीखाली येऊन तो ठार झाल्याचे जखमींनी सांगितले. दरम्यान मेढा पोलिसांना खबर मिळताच त्यांनी जखमी व मृतदेह स्थानिकांच्या मदतीने बाहेर काढले. अधिक तपास मेढा पोलीस करत आहेत.
