महाबळेश्वर (प्रतिनिधी)
महाबळेश्वरच्या सहलीवर येणाऱ्या लाखो पर्यटकाना आता यापुढे जंगल सफारीचा आनंद लुटता येणार आहे. या बाबत हिरडा विश्रामगृहावर आज संयुक्त वनव्यवस्थापन महासमिती व वनविभागचे प्रमुख अधिकारी याची महत्त्वपूर्ण बैठक झाली. या बैठकीत जंगलसफारीचा निर्णय घेण्यात आल्याची माहिती सातारचे उपवनसंरक्षक महादेव मोहिते यांनी दिली.
जंगलाची माहिती असणारा स्थानिक वाटाड्या अथवा गाईड हा पर्यटकांना सोबत घ्यावा लागणार आहे त्यांच प्रमाणे वन विभागाच्या भागातील पाॅईटची देखभाल दुरूस्ती करणे, दुर्लक्षित पाॅईटचे सुशोभिकरण करणे, जंगलातील प्राण्यासाठी इकोफ्रेंडली पानवठे तयार करणे, गव्याचा उपद्रव कमी व्हावा यासाठी गवताचे कुरण विकसित करणे, पर्यटकाच्यां माहितीसाठी माहिती फलक लावणे पाॅईटवरील सुखा कचरा वाहतुकीसाठी स्वतंत्र वाहन खरेदी करणे, वनविभागांची विश्रामगृहे ही संयुक्त वनव्यवस्थापन समितीच्या वतीने चालविण्यासाठी हस्तांतर करणे आदी महत्वाचे निर्णय देखिल या बैठकीत घेण्यात आले.
राज्यशासनाच्या सुचनेनुसार लाॅडविक पाॅईट ते किल्ले प्रतापगड रोप वे हा महत्वकांक्षी प्रकल्प राबविण्यात येत आहे. या प्रकल्पाच्या मार्गावरील अडथळे दुर करण्याचा निर्णया बरोबर पर्यटन वाढीसाठी आवश्यक असलेला विकास कामाचा प्रस्ताव राज्यशासनाकडे सादर करण्याचा निर्णय उपवनसंरक्षक महादेव मोहिते यांनी या बैठकीत घेतले महासमितीच्या वतीने अनिल भिलारे यांनी त्यांचे स्वागत केले तर विजय भिलारे यांनी उपस्थितांचे आभार मानले या महत्वाच्या बैठकीला वनक्षेत्रपाल दिलीप झगडे शांताराम धनावडे पंढरीनाथ लांगी एस एस कमलेकर टी एस केळगणे राजेंद्र चोरमले एल डी राऊत ए डी कुंभार उपस्थित होते .
पॉईंट वरील कचऱ्याचे व्यवस्थापन करण्यात येणार आहे या साठी हिलदारी या संस्थेची मदत घेण्यात येणार आहे. आज या बैठकीत हिलदारीचे प्रकल्प अधिकारी डॉ मुकेश कुलकर्णी यांनी मार्गदर्शन केले
