मणिपूरमधील मालमत्ताविहीन उमेदवार

विधानसभा निवडणूक हा पैशाचा खेळ असून उमेदवार प्रामुख्याने कोटय़धीश असतात असे दिसून येत आहे. मणिपूरमध्ये राष्ट्रवादी काँग्रेस पक्षाचे उमेदवार निंगथौजाम पोपीलालसिंग हे याला अपवाद ठरले आहे. त्यांनी त्यांच्या प्रतिज्ञा पत्रात एक पैशाचीही मालमत्ता नोंद केलेली नाही. आपल्याकडे कोणतीही मालमत्ता नसल्याने प्रतिज्ञा पत्रात तिचा उल्लेख करण्याचा प्रश्नच उद्भवत नाही असे त्यांनी पत्रकारांशी बोलताना स्पष्ट केले. मणिपूरमध्ये मतदानाचा पहिला टप्पा 28 फेब्रुवारीला होणार आहे. सिंग हे 26 वर्षांचे असून 173 उमेदवारांमध्ये सर्वात तरुण आहेत. अत्यंत गरीब घरात त्यांचा जन्म झाला आहे. 173 उमेदवारांपैकी निम्म्याहून अधिक कोटय़धीश आहेत. पण सिंग यांचे कौतुक होत आहे.