ऑनलाईन टीम / अयोध्या
मंत्रोच्चाराच्या गजरात अयोध्येतील राम मंदिराच्या भूमिपूजन कार्यक्रमाच्या मुख्य पूजेला सुरुवात झाली आहे. सोशल डिस्टन्स पाळत ही पूजा सुरू आहे. या पूजेनंतर 12.44 मिनिटांनी पंतप्रधान नरेंद्र मोदी राम मंदिराचे भूमिपूजन करतील. 32 सेकंदांचा हा मुहूर्त भूमिपूजनासाठी शुभ मानण्यात आला आहे. त्याच वेळात हे पूजन होईल.
पंतप्रधान मोदी मंदिराच्या पायाभरणीसाठी पाया खोदतील. त्यासाठी खास चांदीचे फावडे तयार करण्यात आले आहे. तसेच चांदीची वीट त्याठिकाणी ठेवतील. या कार्यक्रमाला प्रमुख अतिथी म्हणून सरसंघचालक मोहन भागवत, राज्यपाल आनंदीबेन पटेल, उत्तरप्रदेशचे मुख्यमंत्री योगी आदित्यनाथ उपस्थित आहेत.
