सांगली / प्रतिनिधी
काँग्रेसचे युवा नेते डॉ.जितेश कदम (भैय्या ) यांचा कोरोना चाचणी अहवाल पॉझिटिव्ह आला आहे. त्यांना भारती हॉस्पिटल पुणे येथे उपचारासाठी दाखल केले आहे. त्यांची प्रकृती ठणठणीत आहे अशी माहिती राज्य मंत्री विश्वजीत कदम यांनी फेसबुक पोस्ट द्वारे दिली आहे. तसेच मंत्री कदम यांचे चुलते एच एम कदम आणि त्यांच्या पत्नीही पॉझिटिव्ह आहेत त्यांच्या वर ही उपचार सुरू आहेत. ते लवकरच कोरोनावर मात करून घरी परत येतील असे त्यांनी सांगितले.
दरम्यान डॉ.जितेश (भैय्या) कदम यांनी त्यांच्या फेसबुक पेजवरून स्वतः ही माहीती दिली आहे. तसेच निकटच्या संपर्कातील कार्यकर्त्यांनी स्वतः विलगिकरण करून घ्यावे. लक्षणे दिसत असतील तर कोरोना चाचणी करून घ्यावी, असे आवाहन डॉ.जितेश (भैय्या) कदम यांनी केले आहे.
