ऑनलाईन टीम / नवी दिल्ली :
कोरोना आजारावर परिणामकारक ठरणारी हायड्रोक्लोरोक्वीन आणि पॅरासिटामॉल ही औषधे वगळता इतर 24 अत्यावश्यक औषधांवरील निर्बंध भारताने उठवले आहेत. देशातील या औषधांची गरज पूर्ण झाल्यानंतर या औषधांच्या निर्यातीबाबत निर्णय घेण्यात येणार आहे.
भारत हा जेनेरिक औषधांची निर्मिती करणाऱ्या प्रमुख देशांपैकी एक आहे.
भारताने अत्यावश्यक औषधांची निर्यात थांबवल्याने आंतरराष्ट्रीय बाजारात हायड्रोक्लोरोक्वीन या गोळीसह इतर औषधांचा तुटवडा जाणवत आहे. त्यातच अमेरिकेचे राष्ट्राध्यक्ष डोनाल्ड ट्रम्प यांनी हायड्रोक्लोरोक्वीन या औषधाचा पुरवठा न केल्यामुळे आज सकाळी भारताला गर्भित इशारा दिला होता.
दोन दिवसांपूर्वीच ट्रम्प यांनी पंतप्रधान मोदींशी फोनवरून हायड्रोक्लोरोक्वीन औषधांची निर्यात करण्याची विनंती केली होती. मात्र, भारतातील कोरोनाचे संकट वाढत असताना भारत अमेरिकेला या औषधांची निर्यात करण्यास तयार नाही. त्यामुळेहायड्रोक्लोरोक्वीन औषध पुरवणे मोदींना ते शक्य झाले नाही तरी ठीक आहे. मात्र, याला जशास तसे उत्तर नक्कीच दिले जाईल. किंबहुना ते का दिले जाऊ नये, असा धमकीवजा प्रश्न डोनाल्ड ट्रम्प यांनी उपस्थित केला आहे.
