प्रतिनिधी / सातारा
आजच्या घडीला महिलांवर अत्याचार अन्यायाच्या घटना घडत असतात. त्या पीडित महिलांना आधार देण्याचे कार्य करते आहे. त्यांचा हक्क मिळवून देण्यासाठी झटते आहे. सातारा जिह्यात भरोसा सेलचे काम अतिशय चांगले सुरु आहे. पीडित महिलांना आधार देणारे आहे, असे मत रयतेचे स्वराज्य प्रतिष्ठानच्या संस्थापिका अश्विनी महामंडे यांनी व्यक्त केले.
नुकतीच त्यांनी पोलीस अधीक्षक अजयकुमार बन्सल यांची भेट घेवून महिला अत्याचारांविषयी निवेदन दिले. त्याबाबत त्यांनी पीडित महिलांना प्रतिष्ठानकडून सहकार्य करण्यासाठी प्रयत्न राहिल, अशी विनंती केली. त्यांनी माहिती देताना रयतेचे स्वराज्य प्रतिष्ठान, महाराष्ट्र राज्य च्या माध्यमातून कौटुंबिक हिंसाचारापासून संरक्षण कायदा 2006 साठी जनजागृती करण्याचा आम्ही आमच्या परीने छोटा प्रयत्न करत आहोत. महिलेवर कोणत्याही पद्धतीचा दबाव, शारीरिक त्रास, मानसिक त्रास होत असल्यास त्यांचे समोपदेशन कुटुंबातील दोन्ही बाजू समजून घेऊन समजूतदारपणे मिटवून मार्गी लावणे, कायद्याच्या काही बाजू समजून देण्यासाठी महिलांना मदत, त्यांच्या रोजगारासाठी मदत अशा सर्व गोष्टी करत आहोत हे जाणून त्यांना आनंद झाला, असे त्यांनी सांगितले.
दरम्यान भरोसा सेलची माहिती सहाय्यक पोलीस निरीक्षक माधुरी जाधव यांनी माहिती दिली. त्यांनी भरोसा सेलच्या कामाबाबत कौतुक केले. आणि त्यांनी पटकन मला दि. 9 मार्च 2020 रोजी त्यांच्याच मार्गदर्शनाखाली पोलीस मुख्यालय सातारा आवारात स्थानिक गुन्हे शाखा सातारा अंतर्गत भरोसा सेवा संकुल उभारण्यात आले आहे हे सांगितले. थोडक्यात आम्हा दोघांची कामे समान होती आणि ती एकमेकांच्या साहाय्याने आणखी सोप्पी करून लोकांना मदत करायची असेच होते ते. भरोसा सेल बद्दल सहाय्यक पोलीस निरीक्षक माधुरी जाधव यांनी माहीती दिली. आणि पुढे कधीही मदतीची गरज भासल्यास त्या वेळ देतातच. तक्रार देण्यासाठी आलेल्या पीडित व्यक्तीची तक्रार ऐकणे, तक्रारीच्या अनुषंगाने कुटुंबातील व्यक्तीना बोलावून समुपदेशन करणे, कायदेशीर मार्गदर्शन करणे, त्यांना त्यांच्या हक्काची जाणीव करून देणे, आवश्यक असल्यास पीडित व्यक्तीच्या तात्पुरत्या निवाऱयाची सोय करणे, महिला व बालकांना मार्गदर्शन करून पुनर्वसन करणे, तक्रारदाराच्या तक्रारींचे निरसन झाल्यावरही त्यांना पुनःश्च संपर्क करणे, मानसोपचार तज्ञ यांची गरज असल्यास मदत घेणे व वैद्यकीय सेवा देणे इ. एक न अनेक कामे भरोसा सेल” करत आहे.
हेल्पलाईन नंबर माहिती सहायता कक्ष – 1091, जेष्ठ नागरिक – 1090, बालक – 1098 वर संपर्क साधावा, असे सांगितले. आताचे पोलीस अधीक्षक अजयकुमार बन्सल आणि सहाय्यक पोलीस निरीक्षक माधुरी जाधव प्रत्येक गोष्ट समजून सांगत आहेत याचा आनंद आहे. आम्ही वर्दीतला माणूस आणि माणसातला देव पाहत आहोत, असे त्यांनी सांगितले.
