बेळगाव जिल्हा रोलर स्केटींग स्पर्धा उत्साहात

बेळगाव : बेळगाव जिल्हा रोलर स्केटिंग संघटना आयोजित 14 वी जिल्हास्तरीय रोलर स्केटींग स्पर्धा व निवड चाचणी केएलई स्केटींग रिंकवर पार पडली. सदर स्पर्धेत जिल्हय़ातून 150 हून अधिक स्केटींगपटूंनी भाग घेतला होता. या स्पर्धेचे उद्घाटन शिवराज व राजाराम शिंदे, चौक्सिंग पुरोहित, रमेश परदेशी, गुरूनाथ व्हण्णगी, अतुल याळगी, विनोद बामणे, तुकाराम पाटील आदी मान्यवरांच्या हस्ते करण्यात आले. सदर स्पर्धा केएलई स्केटींग रिंक येथे घेण्यात आली. स्पर्धेनंतर मान्यवरांच्या हस्ते सर्व स्केटींगपटूंना पदके व प्रमाणपत्र देऊन गौरविण्यात आले. सुर्यकांत हिंडलगेकर, योगेश कुलकर्णी, विठ्ठल गगने, मंजुनाथ मंडोळकर, शुभम साके, प्रशांत कांबळे, नागराज प्रभाकर चौगुले यांनी ही स्पर्धा यशस्वी करण्यासाठी विशेष परिश्रम घेतले.