प्रतिनिधी / बेळगाव
बेळगाव येथुन बेंगलोर कडे निघालेली राज्य परिवहन मंडळाच्या कोरोनो या आरामदायी बसला सकाळी 7.15 वा. सुमारास बेंगलोर येथील नेलमंगल टोलनाक्यावर तांत्रिक कारणामुळे आग लागली. मात्र या बसमधील 30 प्रवासी सुखरूप असून तांत्रिक बिघाडामुळे आग लागली असल्याचे राज्य परिवहन मंडळाच्या अधिकाऱ्यांनी सांगितले. या आगीमध्ये बसचे नुकसान झाले असून सुदैवानेच 30 प्रवासी बचावले आहेत. तांत्रिक बिघाडामुळे जरी आगीचे कारण सांगण्यात येत असले तरी परिवहन खात्याच्या दुर्लक्षामुळे तसेच देखभालीअभावी ही घटना घडल्याचे समजते.
