लोणंद / प्रतिनिधी :
अंदोरी ता. खंडाळा गावच्या हद्दीमध्ये असणाऱ्या रुई येथील प्रशांत रामचंद्र राणे यांचा ४ वर्षाचा मुलगा व अडीच वर्षाची मुलगी शनिवारी दुपारी १२ वाजल्यापासुन बेपत्ता झाली होती. या घटनेची नोंद लोणंद पोलीस स्टेशनला करण्यात आल्यानंतर लोणंद पोलिसांकडून या दोन्ही मुलांचा शोध सुरू होता. दरम्यान, आज सकाळी पाडेगाव हद्दीतील तुकाईनगर परिसरात निरा उजव्या कालव्यात आशिष प्रशांत राणे या चार वर्षाच्या चिमुकल्याचे शव आढळून आले. तर ऐश्वर्या या अडीच वर्षाच्या मुलीचा शोध पोलिसांकडून अजून सुरू आहे. पोलिसांनी सदर शव स्थानिक तरुणांच्या मदतीने पाण्याबाहेर काढून पंचनामा करून शवविच्छेदनासाठी पाठवले आहे.
