बेंगळूर/प्रतिनिधी
बेंगळूर सीसीबी पोलिसांनी शुक्रवारी ड्रग्ज तस्कर प्रकरणी आणखी एका व्यक्तीला अटक केली. त्यामुळे ड्रग प्रकरणाची पाळेमुळे खोलवर असल्याचे दिसत आहे. याआधीही अभिनेत्री रागिणी, संजान आणि सहकाऱ्यांना अटक केली असून त्याची या प्रकरणी चौकही केली जात आहे. तसेच अभिनेता दिगंथ आणि त्याची पत्नी आंद्रिता रे यांचीही याप्रकरणी चौकशी केली आहे.
गुन्हे शाखेचे सह आयुक्त संदीप पाटील यांनी दिलेल्या माहितीनुसार नायजेरियाचा ड्रग पेडलर ओस्सीला अटक करण्यात आली आहे. तो सायमनचा एक सहकारी आहे. जो आधी अटक झाला होता. तो ही नायजेरियन ड्रग पेडलर आहे. तो या प्रकरणात आधीच अटक झालेल्या काही आरोपींना ड्रग्स पुरवत होता. अशी माहिती दिली.
