बेंगळूर/प्रतिनिधी
कर्नाटकात एसएसएलसी परीक्षा जवळ आली आहे. राज्यात १९ आणि २२ जुलै रोजी एसएसएलसी परीक्षा (इयत्ता दहावी) होणार असल्याने बेंगळूर मेट्रोपॉलिटन ट्रान्सपोर्ट कॉर्पोरेशनने (बीएमटीसी) विद्यार्थ्यांना त्यांच्या बसमधून मोफत सेवा देण्याचा निर्णय घेतला आहे.
बीएमटीसीने एसएसएलसीच्या विद्यार्थ्यांना बीएमटीसीच्या सामान्य सेवांमध्ये विनामूल्य सेवा देण्याचा निर्णय घेतला असून त्यांच्या निवासस्थानातून परीक्षा केंद्रापर्यंत मोफत प्रवास करण्याची परवानगी दिली आहे,” असे मंगळवारी जारी केलेल्या निवेदनात म्हटले आहे.
