बेंगळुरात एनआयएचे 43 ठिकाणी छापे

बेंगळूर : बेंगळूरच्या के. जे. हळ्ळी आणि डी. जे. हळ्ळी येथे 11 ऑगस्ट रोजी घडलेल्या हिंसाचार प्रकरणी राष्ट्रीय तपास यंत्रणेने (एनआयए) बुधवारी बेंगळूरमधील सोशियल डेमोक्रेटीक पार्टी ऑफ इंडिया (एसडीपीआय) आणि पॉप्युलर प्रंट ऑफ इंडियाच्या (पीएफआय) कार्यालयांसह 43 ठिकाणी छापे टाकले. पीएफआयच्या कार्यालयात छाप्यावेळी तलवार, चाकू व इतर धारदार शस्त्रास्त्रs जप्त करण्यात आली आहेत. बेंगळूरमध्ये हिंसाचार घडविण्यासाठी बेंगळूरच्या ईशान्य आणि उत्तर भागातून समाजकंटक आले होते. त्यापैकी अनेक जणांना अटक करण्यात आली होती. या प्रकरणी तपास करताना अटकेतील आरोपींचा दहशतवाद्यांशी संपर्क असल्याची धक्कादायक माहिती उपलब्ध झाली होती. या पार्श्वभूमीवर बुधवारी शहरात विविध ठिकाणी छापे टाकण्यात आले.