बेंगळूर/प्रतिनिधी
पहिल्यांदा, बीबीएमपीने शहरी प्राथमिक आरोग्य केंद्रे (PHCs) सुरु करण्यासाठी इमारती भाड्याने घेण्याचा निर्णय घेतला आहे. ज्यामध्ये सध्या ही सुविधा नाही अशा ५७ प्रभागांमध्ये पुढील महिन्यापासून प्राथमिक आरोग्य केंद्रे सुरु करण्याचा निर्णय आहे.
बीबीएमपी हद्दीतील १९८ वॉर्डांपैकी १४१ मध्ये त्यांच्या स्वतःच्या इमारतीबाहेर प्राथमिक आरोग्य केंद्रे कार्यरत आहेत. यापैकी काही प्राथमिक आरोग्य केंद्रे त्यांच्या वॉर्डाच्या बाहेर आहेत, आणि काही दोन वॉर्डांच्या मध्ये आहेत. केवळ १२५ वॉर्डांमध्ये नागरिकांसाठी सहज प्रवेश जात येईल अशी मध्यभागी प्राथमिक आरोग्य केंद्रे आहेत.
पीएचसी हे बीबीएमपीच्या कोविड -१९ व्यवस्थापनाचे महत्त्वपूर्ण अंग आहेत कारण त्यांच्याभोवती चाचणी आणि लसीकरण धोरणे तयार केली जातात.
अलीकडेच, शहरातील पीएचसींची संख्या वाढवण्यासाठी १० कोटी रुपये मंजूर करण्यात आले. एका प्रभागात पीएचसी बांधण्यासाठी सुमारे २ कोटी रुपये खर्च येत असल्याने, बीबीएमपीने आतासाठी इमारती भाड्याने घेण्याचा निर्णय घेतला आहे. शहराचा विस्तार लक्षात घेता अधिक पीएचसींची गरज आहे.
