बीएससी डेपो टायगर्स विजयी, स्पार्टन – ग्लॅडिएटर सामना ‘टाय’

एस. पी. घाळी चषक यू-16 क्रिकेट स्पर्धा : व्ही. व्ही. सुपरकिंग, ग्लॅडिएटर, बीएससी डेपो टायगर्स, स्पार्टन संघ उपांत्य फेरीत

क्रीडा प्रतिनिधी /बेळगाव

युनियन जिमखाना आयोजित एसपी घाळी चषक सोळा वर्षाखालील मुलांच्या क्रिकेट स्पर्धेत आज झालेल्या पहिल्या सामन्यात बीएससी डेपो टायगर्स संघाने एमसीसीसी संघावर विजय मिळविला तर स्पार्टन विरुद्ध ग्लॅडिएटर यांच्यातील रोमहर्षक सामना टाय झाला. लाभ वेर्णेकर (बीएससी), गौरव काटने (ग्लॅडिएटर) यांना सामनावीर पुरस्कार देण्यात आला.

जिमखाना मैदानावर खेळविण्यात आलेल्या पहिल्या सामन्यात नाणेफेक जिंकून प्रथम फलंदाजी करताना बीएससी डेपो टायगर्स संघाने 23 षटकात 4 बाद 223 धावा केल्या. हर्ष पटेलने 57, लाभ वेर्णेकरने नाबाद 51, प्रतीक कराडेने 33, आशुतोष हिरेमठने 20 धावा केल्या. एमसीसीसीतर्फे सोहन कल्लूरने 2 गडी बाद केले. प्रत्युत्तरादाखल खेळताना एमसीसीसा संघाचा डाव 21.4 षटकात 106 धावात गारद झाला. सोहन कल्लूरने एकाकी लढत देताना नाबाद 56, वेदांत माळगेने 25 धावा केल्या. बीएससीतर्फे लाभ वेर्णेकरने 3, हर्ष पटेल व राजदिप मोटार यांनी प्रत्येकी दोन गडी बाद केले. आजचा दुसरा सामना टाय झाला. प्रथम फलंदाजी करताना ग्लॅडिएटर संघाने 22.2 षटकात सर्वबाद 113 धावा केल्या. गौरव काटनेने 25, अनिस सोनवलकरने 16 धावा केल्या. स्पार्टनतर्फे मोहिद सय्यदने 3 तर अद्वैत साठे, आदित्य पाटील व आदर्श सिंग यांनी प्रत्येकी 2 गडी बाद केले. प्रत्युत्तरादाखल खेळताना स्पार्टन संघानेही 22.2 षटकात सर्वबाद 113 धावा केल्याने सामना टाय झाला. आदित्य पाटीलने सर्वाधिक 29, राहुल मल्लनावरने 25 धावा केल्या. ग्लॅडिएटरतर्फे गौरव काटनेने तीन, भुवन बेस्सीदोनीने 2 गडी बाद केले.

सामन्यानंतर प्रमुख पाहुणे अभिषेक चव्हाण, मृणाल चव्हाण, मिलिंद चव्हाण यांच्या हस्ते सामनावीर लाभ वेर्णेकर, इम्पॅक्ट खेळाडू सोहन कल्लूर यांना तर दुसऱया सामन्यात प्रमुख पाहुणे प्रा. अरविंद पाटील, सचिन पाच्छापुरे, राहुल नाईक यांच्या हस्ते सामनावीर गौरव काटने व इम्पॅक्ट खेळाडू आदित्य पाटील यांना चषक देवून गौरविण्यात आले.

बुधवारचे उपांत्य फेरीचे सामने

1. सुपरकिंग्स विरुद्ध स्पार्टन सकाळी 9 वा. 2) ग्लॅडिएटर विरुद्ध बीएससी डेपो टायगर्स दुपारी 1 वाजता.