- मनसे सरचिटणीस संदीप देशपांडे यांचा मुख्यमंत्र्यांना टोला
ऑनलाईन टीम / मुंबई :
मनसे सरचिटणीस संदीप देशपांडे यांनी मुख्यमंत्री उद्धव ठाकरे यांच्या पंढरपूर दौऱ्यावरुन पुन्हा एकदा निशाणा साधला आहे. या संदर्भात त्यांनी एक ट्विट करत हल्लाबोल केला.
मुख्यमंत्री जसे स्वत: गाडी चालवत विठ्ठलाच्या भेटीला आले, तसेच ते स्वत: गाडी चालवत मंत्रालयात सुद्धा जाऊ देत असा टोमणा संदीप देशपांडे यांनी लगावला.
संदीप देशपांडे आपल्या ट्विटमध्ये म्हणाले की, म्हणाले, हे बा विठ्ठला जसे आमचे मुख्यमंत्री स्वतः गाडी चालवत तुझ्या भेटीला आले तसेच स्वतः गाडी चालवत मंत्रालयात सुद्धा जाऊ दे. आणि जशी तुझी भेट घेतली तशी एकदा जनतेशी पण भेट घेउ दे हीच तुझ्या चरणी प्रार्थना. पांडुरंग… पांडुरंग..”
दरम्यान, आषाढी एकादशी निमित्त काल रात्री 9 च्या सुमारास ते पंढरपुरात दाखल झाले. मुख्यमंत्री उद्धव ठाकरे आपल्या कुटुंबासह मुंबईतील मातोश्री निवासस्थानावरुन दुपारी अडीचच्या सुमारास पंढरपूरकडे रवाना झाले होते. यावेळी ते स्वत: ड्रायव्हिंग करत होते.
- शासकीय महापूजा संपन्न
आषाढी एकादशीनिमित्त मुख्यमंत्री उद्धव ठाकरे यांनी पंढरपुरात पत्नी रश्मी ठाकरे यांच्यासह विठ्ठल-रखुमाईची शासकीय महापूजा केली. यावेळी वर्धा जिल्ह्यातील कोलते दाम्पत्याला महापूजेचा मान मिळाला. पहाटे 3 वाजून 40 मिनिटांनी विठ्ठल-रखुमाई यांची शासकीय महापूजा करण्यात आली.
