वार्ताहर / सडोली खालसा
बाचणी ता.करवीर येथील भागीरथी दत्तात्रय पाटील (वय ६०) या आज सकाळी गोट्याकडे गेल्या असता अज्ञात चोरट्याने त्यांच्या गळ्यातील चार तोळे चिताक हिसकावून पलायन केले. अंदाजे एक लाख 84 हजार इतके रकमेचा ऐवज असल्याचे समजते. ही घटना बुधवारी सकाळी साडेपाच ते पावणे पाच च्या दरम्यान घडली असून घटनेची नोंद करवीर पोलीसात झाली आहे.
याबाबत घटनास्थळावरून मिळालेल्या माहितीनुसार भागीरथी दत्तात्रय पाटील यांचा जनावरांचा गोठा देऊळवाडी शिरोली दुमाला या मुख्य रस्त्या लगत असून नेहमीप्रमाणे आज सकाळी जनावरांच्या धार शेण काढण्यासाठी गेल्या असता साडेपाच ते पावणे सहा दरम्यान गोठ्याचे कुलूप काढताना त्यांचा पाठीमागे येऊन अज्ञात इसमाने त्यांच्या गळ्यातील चार तोळ्याची चिताक हिसका मारून काढून घेऊन पलायन केले. भेदरलेल्या अवस्थेत भागीरथी पाटील यांनी आरडाओरड केली परंतु चोरटा जवळ असणाऱ्या शेतात पळून गेला या घटनेची नोंद करवीर पोलिसात झाली आहे.
