प्रतिनिधी / सांगरूळ
करवीर तालुक्यातील बहिरेश्वर येथील दोन कोरोना पॉझिटिव्ह महिलांच्या संपर्कात आलेल्या अठरा जणांचा कोरोना अहवाल निगेटिव्ह आला असून यामुळे दक्षता समिती सह ग्रामस्थांना दिलासा मिळाला आहे.
सदर गावतील या महिला कोल्हापुरातील एका खाजगी रुग्णालयात नोकरी करीत होत्या. या महिलांचा कोरोना अहवाल पॉझिटिव्ह आल्याने त्यांच्या संपर्कात आलेल्या कुटुंबातील व इतर आठरा जणांना क्वारंटाईन करून त्यांचा स्वॅब तपासणी साठी दिला होता. या आठराही व्यक्तींचा कोरोना चाचणी अहवाल निगेटिव्ह आला आहे. यामुळे ग्रामस्थांना दिलासा मिळाला आहे.
