ऑनलाईन टीम / पुणे :
प्रतिभा लष्करे लिखित सुरस कथा या लहान मुलांकरीता असलेल्या पुस्तक प्रकाशन कार्यक्रमाचे आयोजन करण्यात आले आहे. रविवार, दिनांक 31 जानेवारी रोजी सायंकाळी 5 वाजता मित्रमंडळ कॉलनी जवळील महालक्ष्मी सभागृहात हा कार्यक्रम होणार आहे.
यावेळी ज्येष्ठ शिक्षणतज्ञ डॉ.अ.ल.देशमुख कार्यक्रमाच्या अध्यक्षस्थानी असणार आहेत. तर, पुस्तकाचे प्रकाशन प्रख्यात व्यंगचित्रकार चारुहास पंडित यांच्या हस्ते होणार आहे. पुस्तकामध्ये लहान मुलांसाठी विविध कथांचा अंतर्भाव करण्यात आला आहे.
