बॉलिवूड अभिनेत्री प्रीती आई झाली आहे. 46 वर्षीय प्रीती सरोगसीच्या माध्यमातून जुळ्या मुलांची आई झाली आहे. स्वतः प्रीतीने सोशल मीडियाच्या माध्यमातून ही गोड बातमी चाहत्यांना सांगितली आहे. प्रीतीने लिहिलेय, की मला आज सर्वात मोठी आनंदाची बातमी सर्वांसोबत शेअर करायची आहे. जीन आणि मी खूप आनंदी आहोत आणि आमची अंतःकरणे कृतज्ञता आणि प्रेमाने भरलेली आहेत, कारण आम्ही आमच्या जुळ्या मुलांचे जय झिंटा गुडइनफ आणि जिया झिंटा गुडइनफ आमच्या कुटुंबात स्वागत करत आहोत, अशा आशयाची पोस्ट तिने शेअर केली आहे. प्रीतीने 29 फेब्रुवारी 2016 रोजी लॉस एंजेलिसमध्ये एका खासगी समारंभात आपल्यापेक्षा 10 वर्षांनी लहान असलेल्या अमेरिकन नागरिक जीन गुडइनफशी लग्न केले होते. हा विवाह राजपूत पद्धतीने पार पडला होता. जीन हे लॉस एंजेलिसमध्ये व्यवसायाने आर्थिक विश्लेषक आहेत.
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.
Related Posts
