प्रशासकीय मान्यता : पालकमंत्री सतेज पाटील यांचा यशस्वी पाठपुरावा : कोदे, आदमापूर, वाघापूरसह इतर ठिकाणी होणार विकास
प्रतिनिधी/ कोल्हापूर
प्रादेशिक पर्यटन विकास योजना सन 2021 – 22 अंतर्गत पालकमंत्री सतेज पाटील यांच्या प्रयत्नातून कोल्हापूर जिह्यासाठी सुमारे 3 कोटी रूपयांच्या निधीस गुरूवारी प्रशासकीय मान्यता मिळाली. या निधीमधून कोदे, आदमापूर, वाघापूरसह जिह्यातील अनेक ठिकाणांचा विकास होणार आहे.
या संदर्भात माहिती देताना पालकमंत्री सतेज पाटील म्हणाले, जिह्याला विविध योजनांच्या माध्यमातून जास्तीत जास्त निधी कसा मिळेल, यासाठी प्रयत्नशील आहे. प्रादेशिक पर्यटन विकास योजना सन 2021 – 22 अंतर्गत कोल्हापूर जिह्यासाठी मंजूर झालेल्या निधीपैकी सुमारे 3 कोटी निधीच्या कामांस प्रशासकीय मान्यता मिळाली आहे. या योजनेतर्गत जिह्यातील पट्टणकोडोली, अब्दुललाट, देवरवाडी, नितवडे, दोनवडे खेडगे, निढोरी, कुरणी आदी गावांतील विविध विकासात्मक कामे केली जाणार आहेत. हा निधी मिळवून देण्यासाठी मुख्यमंत्री उद्धव ठाकरे, उपमुख्यमंत्री अजित पवार, महसूलमंत्री बाळासाहेब थोरात, पर्यटन मंत्री आदित्य ठाकरे यांचे सहकार्य लाभले असल्याचे पालकमंत्री सतेज पाटील यांनी सांगितले.
