पोलादाच्या किमतीत वाढ सुरूच

नवी दिल्ली : नव्या वर्षाच्या सुरूवातीलाच स्टील कंपन्यांनी पुन्हा पोलादाच्या किंमती वाढवण्यास सुरू केली आहे. त्यामुळे पोलादावर अवलंबून असणाऱया उद्योगांना याचा फटका बसणार आहे. काही कंपन्यांनी टनामागे 1 हजार ते 2 हजार रुपयांपर्यंतची वाढ केली असल्याचे समजते. तसेच येणाऱया काळात पोलादाच्या दरात वाढ होण्याची शक्यता वर्तवली जात आहे. जिंदाल स्टीलने 1500 पर्यंत प्रतिटन स्टीलचे भाव वाढवले असल्याचे समजते. कंपनीने डिसेंबरमध्ये उत्पादन व विक्री दोन्हीतही वाढ दर्शवली होती. एनएमडीसीच्या लोह खनिजाचे दर स्थिर राहतील का हे पाहणे आवश्यक असणार असल्याचे मत पोलाद कंपन्यांचे आहे.