पेरू : दुसऱया लाटेचा धोका

पेरूमध्ये सलग तिसऱया दिवशी रुग्ण वाढल्यानंतर हा दुसऱया लाटेचा संकेत असल्याचे उद्गार आरोग्य मंत्र्यांनी काढले आहेत. वाढती रुग्णसंख्या पाहता आम्ही संक्रमणाच्या दुसऱया टप्प्यात पोहोचल्याचे वाटते आणि हा चांगला संकेत नाही. लोकांना त्रासापासून वाचविण्यासाठी सरकार कठोर पावले उचलू शकते. स्पेन, बेल्जियम आणि इटलीतही वेगाने रुग्ण वाढले आहेत. दक्षिण अमेरिकेत हे संकट अत्यंत मोठे झाल्याचे आरोग्यमंत्री लुईस सुरेज यांनी म्हटले आहे.