ऑनलाईन टीम / पुणे :
पुणे विभागातील 10 हजार 756 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 17 हजार 342 झाली आहे. तर 5 हजार 828 रुग्णांवर उपचार सुरू आहेत. विभागात कोरोनाबाधित एकूण 758 रुग्णांचा मृत्यू झाला आहे. तसेच 296 रुग्ण गंभीर असून उर्वरीत निरीक्षणाखाली आहेत. पुणे विभागामध्ये बऱ्या होणाऱ्या रुग्णांचे प्रमाण 62.02 टक्के आहे, तर मृत्यूचे प्रमाण 4.37 टक्के आहे,अशी माहिती विभागीय आयुक्त डॉ.दीपक म्हैसेकर यांनी दिली.
पुढे ते म्हणाले, पुणे जिल्ह्यातील 13 हजार 685 बाधीत रुग्ण असून कोरोना बाधित 8 हजार 351 रुग्ण बरे होवून घरी गेले आहेत. ॲक्टीव्ह रुग्ण संख्या 4, 794 आहे. कोरोनाबाधित एकूण 540 रुग्णांचा मृत्यू झाला आहे. तसेच 275 रुग्ण गंभीर असून उर्वरित निरीक्षणाखाली आहेत. पुणे जिल्हयामध्ये बऱ्या होणाऱ्या रुग्णांचे प्रमाण 61.02 टक्के आहे. तर मृत्यूचे प्रमाण 3.95 टक्के इतके आहे.
आतापर्यंत विभागात एकूण 1 लाख 27 हजार 828 नमूने तपासणीसाठी पाठविण्यात आले होते, त्यापैकी 1 लाख 29 हजार 927 नमुन्यांचा अहवाल प्राप्त झाला आहे. तर 3 हजार 901 नमून्यांचा अहवाल प्रतीक्षेत आहे. प्राप्त अहवालांपैकी 1 लाख 6 हजार 329 नमून्यांचा अहवाल निगेटीव्ह असून 17 हजार 342 नमून्यांचा अहवाल पॉझिटिव्ह आहे.
