ऑनलाईन टीम / पुणे :
पुणे विभागातील 1 लाख 24 हजार 755 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 1 लाख 74 हजार 256 झाली आहे. तर ॲक्टीव्ह रुग्ण संख्या 44 हजार 750 इतकी आहे. कोरोनाबाधीत एकुण 4 हजार 751 रुग्णांचा मृत्यू झाला असून मृत्यूचे प्रमाण 2.73 टक्के आहे. पुणे विभागामध्ये बऱ्या होणा-या रुग्णांचे प्रमाण 71.6 टक्के आहे, अशी माहिती विभागीय आयुक्त सौरभ राव यांनी दिली.
पुणे जिल्हयातील कोरोना बाधीत एकूण 1 लाख 29 हजार 569 रुग्णांपैकी 99 हजार 124 रुग्ण बरे होवून घरी गेले आहेत. ॲक्टीव्ह रुग्ण संख्या 27 हजार 245 आहे. कोरोनाबाधित एकूण 3 हजार 200 रुग्णांचा मृत्यू झाला आहे. मृत्यूचे प्रमाण 2.47 टक्के इतके आहे तर बरे होणाऱ्या रुग्णांचे प्रमाण 76.50 टक्के आहे.
आजपर्यत विभागामध्ये एकुण 8 लाख 37 हजार 184 नमून्याचा तपासाणी अहवाल प्राप्त झाला. प्राप्त अहवालांपैकी 1 लाख 74 हजार 256 नमून्यांचा अहवाल सकारात्मक (पॉझिटिव्ह) आहे.
