ऑनलाईन टीम / पुणे :
महाराष्ट्रातील विविध भागात महापुराने नुकसान झालेल्या भागासाठी आर्थिक मदत म्हणून पुणे महापालिकेचे अधिकारी आणि कर्मचाऱ्यांचे एक दिवसाचे वेतन मुख्यमंत्री सहाय्यता निधीसाठी देण्यात आले. राज्याचे उपमुख्यमंत्री अजित पवार यांच्याकडे २ कोटी १ लाख रुपयांचा धनादेश महापौर मुरलीधर मोहोळ याच्या हस्ते सुपूर्द करण्यात आला.
याप्रसंगी आमदार भीमराव तापकीर, आमदार माधुरीताई मिसाळ, उपमहापौर सौ. सुनीता वाडेकर, विभागीय आयुक्त सौरभ राव, महापालिका आयुक्त विक्रम कुमार, जिल्हाधिकारी राजेश देशमुख, अतिरिक्त महापालिका आयुक्त (वि) ज्ञानेश्वर मोळक, शहर अभियंता प्रशांत वाघमारे, उपायुक्त (सामान्य प्रशासन) सुनील इंदलकर, मुख्य लेखा व वित्त अधिकारी श्रीमती उल्का कळसकर, मुख्य कामगार कल्याण अधिकारी शिवाजी दौंडकर, पीएमसी एम्प्लॉईज युनियन चे अध्यक्ष प्रदीप महाडिक, आशिष चव्हाण, अजय उमांदे, गोपाळ चव्हाण इत्यादी उपस्थित होते.
