पाटण प्रांत यांनी तारळे परिसरात अवैध वाळू साठ्यावर मारले छापे

सातारा / प्रतिनिधी

तारळे (ता.पाटण) भागात तारळी नदीच्या पात्रात बेकायदेशीर वाळू उपसा होत असल्याच्या तक्रारी होत होत्या.त्या तक्रारीच्या अनुषंगाने आज सायंकाळी 6 वाजण्याच्या सुमारास तारळे ते धनगरवाडी या दरम्यान दोन ठिकाणी पाटण प्रांत श्रींरंग तांबे यांनी छापे मारून पाच ब्रास वाळू जप्त केल्याने तारळे भागातील बेकायदेशीर वाळू उपसा करणाऱ्यांचे धाबे दणाणले होते.