पाकिस्तान : न्यायाधीशाचा मृत्यू

पाकिस्तानचे माजी पंतप्रधान नवाज शरीफ यांना भ्रष्टाचार प्रकरणी दोषी ठरविणारे न्यायाधीश अरशद मलिक (47 वर्षे) यांचा कोरोना संक्रमणामुळे मृत्यू झाला आहे. अरशद यांनी भ्रष्टाचारविरोधी न्यायालयात न्यायाधीश म्हणून सेवा बजावत असताना डिसेंबर 2018 मध्ये नवाज शरीफ यांना 7 वर्षांची शिक्षा सुनावली होती. परंतु याच्या काही महिन्यांनीच एका चित्रफितीत अरशद यांनी हा निर्णय दबावातून घेतल्याचे मान्य केले होते. यानंतर न्यायाधीश मलिक यांच्या विरोधातच चौकशी सुरू करण्यात आली होती. जुलै महिन्यात त्यांना बडतर्फ करण्यात आले होते.