प्रतिनिधी / खेड
जिल्ह्यात कोसळणाऱ्या मुसळधार पर्जन्यवृष्टीचा फटका कोकण रेल्वेलाही बसला आहे. कोकण मार्गावरून धावणाऱ्या रेल्वेगाड्यांची धडधड थांबली असून बहुतांश रेल्वेगाड्या ठिकठिकाणच्या स्थानकात उभ्या करण्यात आल्या आहेत.
वाशिष्ठी नदीला आलेल्या पुलामुळे दादर – सावंतवाडी गुरुवारी पहाटे ६ वाजल्यापासून चिपळूण स्थानकात उभी करण्यात आली आहे. मंगळूर – मुंबई सुपरफास्ट एक्सप्रेसला पहाटे ५.१५ वाजल्यापासून कामथे स्थानकात तर जनशताब्दी एक्सप्रेसला खेड स्थानकात थांबा देण्यात आला आहे. एर्नाकुलम – निजामुद्दीम एक्सप्रेस संगमेश्वर स्थानकात, तिरूअनंतपुरम – लोकमान्य टिळक टर्मिनस विलवडे स्थानकात, तिरुनेलवेली – दादर स्पेशल राजापूर स्थानकात, कोच्युवेली – अमृतसर साप्ताहिक स्पेशल रत्नागिरी स्थानकात उभी करण्यात आली आहे. यामुळे शेकडो प्रवाशी रेल्वेगाड्यांमध्ये अडकले असून पूरस्थिती ओसरल्यानंतरच रेल्वेगाड्या मार्गस्थ होणार असल्याचे सांगण्यात आले.
