नवी दिल्ली/प्रतिनिधी
पंतप्रधान नरेंद्र मोदी जगातील लोकप्रिय नेते ठरले आहेत. त्यांचा करिष्मा कायम असल्याचे यावरून दिसत आहे. दरम्यान, मोदींनी जगभरातील १३ नेत्यांना मागे टाकत ही लोकप्रियता मिळवली आहे. एका सर्व्हेक्षणातून ही माहिती समोर आली आहे. पंतप्रधान नरेंद्र मोदींची लोकप्रियता अमेरिका, फ्रान्स, रशिया, ऑस्ट्रेलिया, युके, कॅनडा, ब्राझील आणि जर्मनीसह १३ देशांमधील नेत्यांच्या तुलनेत जास्त असल्याचं सर्व्हेक्षणातून समोर आलं आहे. अमेरिकतील ग्लोबल लीडर अॅप्रूव्हल ट्रॅकर मॉर्निंग कन्सल्टने हे सर्वेक्षण केलं होतं. या सर्वेक्षणात पंतप्रधान मोदींना ७० टक्के गुणांकन मिळालंय. दर आठवड्याला या सर्वेक्षणाचा डेटा अपडेट केला जातो.
पंतप्रधान नरेंद्र मोदी जगातील लोकप्रिय नेते ठरले आहेत. अमेरिकतील ग्लोबल लीडर अॅप्रूव्हल ट्रॅकर मॉर्निंग कन्सल्टने केलेल्या सर्वेक्षणानुसार अमेरिकतील ग्लोबल लीडर अॅप्रूव्हल ट्रॅकर मॉर्निंग कन्सल्टने पंतप्रधान मोदी मेक्सिकोचे अध्यक्ष अँड्रेस मॅन्युएल लोपेझ ओब्राडोर, इटालियन पंतप्रधान मारियो ड्रॅगी, जर्मन चान्सलर अँजेला मर्केल, अमेरिकेचे अध्यक्ष जो बायडेन, ऑस्ट्रेलियाचे पंतप्रधान स्कॉट मॉरिसन, कॅनडाचे पंतप्रधान जस्टिन ट्रुडो, यूकेचे पंतप्रधान बोरिस जॉन्सन आणि ब्राझीलचे अध्यक्ष जैर बोल्सोनारो यांच्या पुढे आहेत.
