प्रतिनिधी / पंढरपूर
पंढरपूर तालुक्यातील नारायण चिंचोलीजवळ दोन दुचाकींची समोरासमोर धडक झाली. सोमवारी रात्री झालेल्या या भीषण अपघातात एकजण जागीच ठार झाले तर एकजण गंभीर जखमी आहे. भारत उत्तम जाडकर (वय ५०) रा. पापरी ता. मोहोळ असे मृताचे नाव आहे.
याबाबत अधिक माहिती अशी की, मृत भारत जाडकर हे पापरी गावाहून पंढरपूरकडे निघाले होते. यावेळी नारायण चिंचोलीतील हॉटेल पंचरत्न समोर दोन दुचाकींची समोरासमोर धडक झाली. यामध्ये भारत जाडकर यांचा जागीच मृत्यू झाला. तर दुसरा दुचाकीस्वार जखमी झाला असून त्याच्यावर पंढरपुरातील एका खासगी रुग्णालयात उपचार सुरू आहेत.
