तरुण भारत संवाद वार्ताहर / पंढरपूर
जिल्हाधिकारी व न्यायालयाने हुकूमनाम्यामध्ये एक वादी व सहा प्रतिवादी असताना कुणाचा वाटप तक्ता तयार करण्याबाबत व नोंद देण्याबाबत आदेश केला होता. या आदेशाची नक्कल मिळावी या मागणीसाठी पंढरपूर तालुक्यातील शेतकरी कुबेर चिमाजी घाडगे यांनी प्रांत कार्यालयातील टॉवरवर चढून आमरण उपोषण सुरू केले आहे.
आज सकाळीच शेतकरी टॉवरवर चाढल्याने प्रशासनाची मात्र धावपळ उडाली आहे. याठिकाणी पोलिस, तहसीलदार पोहोचले असून उपोषण करते चिमाजी घाडगे यांच्याशी उपोषण स्थगित करण्यासंदर्भात फोनद्वारे विनवणी सुरू आहे. शेतकरी कुबेर चिमाजी घाडगे हे जवळपास १०० फूट टॉवरवर चढले आहेत सोबत त्यांनी मोबाईल व पिशवी ठेवली आहे.
