- आतापर्यंत 1 लाख 30 हजार 018 रुग्ण कोरोनामुक्त!
ऑनलाईन टीम / चंदीगड :
पंजाबमध्ये मागील 24 तासात 692 नव्या कोरोना रुग्णांची नोंद झाली. तर 23 जणांचा मृत्यू झाला. त्यामुळे पंजाबमधील कोरोना बाधितांची एकूण संख्या 1 लाख 39 हजार 869 इतका झाला आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, एकूण 1,39,896 रुग्णांपैकी 1 लाख 30 हजार 018 रुग्ण कोरोनामुक्त झाले आहेत. तर आतापर्यंत 4 हजार 412 जणांचा कोरोनामुळे मृत्यू झाला आहे.
ताज्या आकडेवारी नुसार, पंजाबमध्ये आतापर्यंत जवळपास 28 लाख 22 हजार 668 टेस्ट करण्यात आल्या आहेत. सद्य स्थितीत 5 हजार 439 रुग्णांवर विविध रुग्णालयात उपचार सुरू आहेत. त्यातील 134 रुग्णांना अक्सिजन सपोर्टवर ठेवण्यात आले आहे. तर 17 जण व्हेंटिलेटरवर आहेत.
