ऑनलाईन टीम / चंदीगड :
पंजाबमध्ये मागील 24 तासात 738 नव्या कोरोना रुग्णांची नोंद झाली. तर 17 जणांचा मृत्यू झाला. त्यामुळे पंजाबमधील कोरोना बाधितांची एकूण संख्या 1 लाख 40 हजार 605 इतका झाला आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, एकूण 1,40,605 रुग्णांपैकी 1 लाख 30 हजार 406 रुग्ण कोरोनामुक्त झाले आहेत. तर आतापर्यंत 4 हजार 428 जणांचा कोरोनामुळे मृत्यू झाला आहे.
ताज्या आकडेवारी नुसार, पंजाबमध्ये आतापर्यंत जवळपास 28 लाख 43 हजार 699 टेस्ट करण्यात आल्या आहेत. सद्य स्थितीत 5 हजार 771 रुग्णांवर विविध रुग्णालयात उपचार सुरू आहेत. त्यातील 153 रुग्णांना अक्सिजन सपोर्टवर ठेवण्यात आले आहे. तर 17 जण व्हेंटिलेटरवर आहेत.
