ऑनलाईन टीम / चंदीगड :
पंजाबमध्ये मागील 24 तासात 528 नव्या कोरोना रुग्णांची नोंद झाली. तर 20 जणांचा मृत्यू झाला. त्यामुळे पंजाबमधील कोरोना बाधितांची एकूण संख्या 1 लाख 32 हजार 263 इतका झाला आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, आतापर्यंतच्या एकूण 1,32,263 रुग्णांपैकी 1 लाख 23 हजार 866 रुग्ण कोरोनामुक्त झाले आहेत. तर आतापर्यंत 4 हजार 158 जणांचा कोरोनामुळे मृत्यू झाला आहे.
ताज्या आकडेवारी नुसार, पंजाबमध्ये आतापर्यंत जवळपास 25 लाख 38 हजार 610 टेस्ट करण्यात आल्या आहेत. सद्य स्थितीत 4 हजार 239 रुग्णांवर विविध रुग्णालयात उपचार सुरू आहेत. त्यातील 102 रुग्णांना अक्सिजन सपोर्टवर ठेवण्यात आले आहे. तर 20 जण व्हेंटिलेटरवर आहेत.
