ऑनलाईन टीम / चंदीगड :
पंजाबमध्ये मागील 24 तासात 292 नव्या कोरोना रुग्णांची नोंद झाली. तर 18 जणांनी आपला जीव गमावला. त्यामुळे पंजाबमधील कोरोना बाधितांची एकूण संख्या 1 लाख 65 हजार 405 इतका झाला आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, काल एका दिवसात 483 रुग्णांना डिस्चार्ज देण्यात आला. तर आतापर्यंत 1,65,405 रुग्णांपैकी 1 लाख 55 हजार 892 रुग्ण कोरोनामुक्त झाले आहेत. तर आतापर्यंत 5 हजार 299 जणांचा कोरोनामुळे मृत्यू झाला आहे.
ताज्या आकडेवारी नुसार, पंजाबमध्ये आतापर्यंत जवळपास 38 लाख 21 हजार 222 टेस्ट करण्यात आल्या आहेत. सद्य स्थितीत 4 हजार 214 रुग्णांवर विविध रुग्णालयात उपचार सुरू आहेत. त्यातील 73 रुग्णांना अक्सिजन सपोर्टवर ठेवण्यात आले आहे. तर 15 जण व्हेंटिलेटरवर आहेत.
