ऑनलाईन टीम
अफगाणिस्तानची राजधानी काबूलसह बहुतांशी भागावर तालिबान्यांनी ताबा मिळवला आहे. यानंतर तालिबान्यांनी आता त्याचा मोर्चा अफगाणिस्तानाच्या उर्वरित भागांकडे वळवला आहे. असे भाग जे अद्याप तालिबानच्या ताब्यात नाहीत. त्यापैकी एक म्हणजे पंजशीर.
या भागाकडे आता शेकडो तालिबान्यांनी कूच केली असल्याची माहिती रविवारी तालिबानकडून देण्यात आली. तालिबानने अफगाणिस्तान ताब्यात घेतल्यानंतर सरकारमधील अनेक नेते, अधिकारी, तालिबानविरोधी नागरिकांनी पंजशीरकडे धाव घेतली. काबूलच्या उत्तरेला असणारा हा भाग तालिबान विरोधी म्हणून ओळखला जातो.
तालिबान्यांनी अफगाणिस्तानवर ताबा मिळवताच नागरिकांना त्रास देणे सुरु केले आहे. यामुळे अनेक अफगाणि नागरिक देश सोडून बाहेर जाण्यासाठी काबूल विमानतळावर गर्दी करत आहेत. प्रत्येक देश आपल्या नागरिकांच्या, राजदूतांच्या सुरक्षेसाठी, त्यांना बाहेर काढण्यासाठी शक्य ते सर्व प्रयत्न करत आहे.
राज्यातल्या स्थानिक प्रतिनिधींनी शांततेत या भागाचा ताबा आमच्याकडे दिला नाही त्यामुळे शेकडो मुजाहिदीन आता पंजशीरचा ताबा घेण्यासाठी रवाना झाले आहेत, अशी माहिती आहे.
