बेंगळूर/प्रतिनिधी
राज्याचे ग्रामविकास व पंचायत राजमंत्री आणि शिवमोग जिल्ह्याचे पालकमंत्री के. एस. ईश्वरप्पा यांनी, कोरोना काळात कडाऊनमुळे शिवमोगा जिल्ह्यातील असंघटित क्षेत्रातील १,०७,२८६ पात्र कामगारांना सरकारकडून ३ हजार रुपये भरपाई देण्यात येत आहे. त्यामुळे पात्र लाभार्थ्यांनी आधार कार्ड बँक खात्याची लिंक करणे आवश्यक असल्याचे त्यांनी म्हंटले आहे.
शनिवारी पत्रकारांशी बोलताना ते म्हणाले, सरकार लाभार्थ्यांच्या बँक खात्यात पैसे हस्तांतरित करीत आहे. आतापर्यंत जिल्ह्यातील ७२,०६५ कामगारांना २१.६१ कोटी रुपये हस्तांतरित करण्यात आले आहेत. तथापि, ११,०४० कामगारांच्या खात्यावर ३.३१ कोटी रुपये जमा झाले नाहीत कारण त्यांची बँक खाती कार्यरत नाहीत आणि आधार क्रमांक त्यांच्या खात्यांशी जोडलेले नाहीत. कामगारांनी त्यांचे आधार क्रमांक त्यांच्या बँक खात्यांशी जोडण्याचे आवाहन त्यांनी केले.
ते म्हणाले की राज्य भवन बांधकाम व इतर कामगार कल्याण मंडळ कामगारांना विविध सुविधा पुरवित आहे. जिल्ह्यातील कामगारांना फूड किट वाटप करण्यात येत आहे. १२ जुलैपासून शिवमोगा शहरातील ३२ वॉर्डांमधील १०,८५० कामगारांना फूड किट वाटप करण्यात येतील. त्यांनी लाभार्थ्यांना वितरण केंद्रावर कामगार कार्ड व आधार कार्डाची छायाप्रत सादर करून टोकन घेण्याचे सुचविले व दुसर्‍या दिवशी त्यांना फूड किट दिले जाईल असे त्यांनी सांगितले. कामगारांना फूड किट वाटप करण्यासाठी तब्बल नऊ संघांची स्थापना करण्यात आली आहे. नोडल अधिकाऱ्यांच्या मार्गदर्शनाखाली ३२ केंद्रांवर फूड किटचे वितरण केले जाईल. यावेळी पत्रकार परिषदेत महापौर सुनीता अण्णाप्पा, शहर महानगरपालिका आयुक्त चिदानंद वातारे, जिल्हा कामगार विभाग अधिकारी विश्वनाथ आदी उपस्थित होते.
