केएससीए सेकंड डिव्हीजन स्पर्धा
क्रीडा प्रतिनिधी /बेळगाव
कर्नाटक राज्य क्रिकेट संघटना मान्यताप्राप्त धारवाड विभागिय क्रिकेट संघटना आयोजित केएससीए सेकंड डिव्हीजन क्रिकेट स्पर्धेत आज खेळविण्यात आलेल्या सामन्यात आनंद क्रिकेट अकादमी संघाने विजया क्रिकेट अकादमी संघाचा 6 गडय़ांनी, भटकळ स्पोर्ट्स क्लब अ संघाने सीसीके धारवाड ब संघाचा 3 गडय़ानी तर नीना स्पोर्ट्स क्लब बेळगावने स्पोर्ट्स अकादमी गदग संघाचा 7 गडय़ांनी पराभव करून प्रत्येकी 4 गुण मिळविले. इजाज अहमद (भटकळ), मिथून एम. एम. (आनंद अकादमी), दर्शन पाटील (नीना) यांना सामनावीर पुरस्कार देण्यात आला.
केएससीए बेळगाव मैदानावर खेळविण्यात आलेल्या सामन्यात विजया क्रिकेट अकादमी संघाने 48.5 षटकात सर्व बाद 193 धावा केल्या. आर्यन इंचलने 1 षटकार 4 चौकारासह 64, सुशांत पाटीलने 40, शुभम भादवणकरने 34, रोशन बेकवाडकरने 19 धावा केल्या. आनंद अकादमीतर्फे मिथून एम. एम.ने 29 धावात 3, केतज कोल्हापूरेने 37 धावात 3, सचिन शिंदे, ओमकार देशपांडे यांनी प्रत्येकी 1 गडी बाद केला. प्रत्युत्तरादाखल खेळताना आनंद अकादमीने 38.4 षटकात 4 बाद 194 धावा करून सामना सहा गडय़ांनी जिंकला. किसन मेघराजने 2 षटकार, 6 चौकारासह 48, नागेंद्र पाटीलने 6 चौकारासह 47, राहुल नाईकने 4 चौकारासह 40, झिशानअली सय्यदने 2 षटकार, 2 चौकारासह 29 धावा केल्या. विजयातर्फे चिराग गोदवानीने 56 धावात 2, सिद्धार्थ गोदवानीने 1 गडी बाद केला.
केजीजी हुबळी मैदानावर खेळविण्यात आलेल्या सामन्यात स्पोर्ट्स अकादमी गदग संघाने 45.3 षटकात सर्व बाद 192 धावा केल्या. सचिन पाटीलने 1 षटकार, 8 चौकारासह 56, विनय बारकरने 25, सुनिल पुजारने 1 षटकार, 2 चौकारासह 28, देवेश जैनने 22 तर शांतगौडा पाटीलने 14 धावा केल्या. नीना स्पोर्ट्सतर्फे अंगदराज हित्तलमनीने 19 धावात 3, संतोष सुळगे पाटीलने 35 धावात 2, गणेश जांभळेने 47 धावात 2, विनायक कांबळेने 51 धावात 2 गडी बाद केले. अंकित लोहारने 1 गडी बाद केला. प्रत्युत्तरादाखल खेळताना नीना स्पोर्ट्स संघाने 19.1 षटकात 3 बाद 193 धावा करून सामना 7 गडय़ांनी जिंकला. सलामीवीर दर्शन पाटीलने 6 उतुंग षटकार व 20 चौकारासह 80 चेंडूत नाबाद 142 धावा करून आपले वैयक्तिक दुसरे शतक झळकाविले. त्याला काविश मुक्कण्णावरने 23, अंगदराज हित्तलमनीने 2 षटकार, 1 चौकारासह नाबाद 19 धावा करून सुरेख साथ दिली. गदगतर्फे अस्लम एम.ने 1 गडी बाद केला. केएससीए हुबळी मैदानावर खेळविण्यात आलेल्या सामन्यात क्रिकेट क्लब ऑफ कर्नाटका ब धारवाड संघाने करताना 30.3 षटकात सर्व बाद 99 धावा केल्या. अभय कुलकर्णीने 14, श्रेयस मुर्डेश्वरने 11, यश कुंभारने 10 धावा केल्या. भटकळ संघातर्फे इजाज अहमदने 25 धावात 4, महंमद इम्रानने 17 धावात 2, सय्यद आकिबने 25 धावात 2, तर महंमद आरिफने 13 धावात 2 गडी बाद केले. प्रत्युत्तरादाखल खेळताना भटकळ संघाने 22.2 षटकात 4 बाद 100 धावा करून सामना 6 गडय़ांनी जिंकला. अब्दुल बाकीने 3 षटकार, 7 चौकारासह नाबाद 59, स्वैप खाजीने नाबाद 18 धावा केल्या. सीसीके धारवाडतर्फे यशवंत पत्तारने 21 धावात 2 तर संतोष लम्माणी व श्रेयस मुर्डेश्वर यांनी प्रत्येकी 1 गडी बाद केला.
